“Süni intellekt: sənayedə tətbiqi, hüquqi aspektləri, beynəlxalq təcrübə” mövzusunda seminar keçirilib
Azərbaycan Respublikası Müdafiə Sənayesi Nazirliyinin (MSN) yaradılmasının 20 illiyi ilə bağlı təşkil olunan silsilə tədbirlər çərçivəsində noyabrın 21-də MSN-in Milli Aerokosmik Agentliyində (MAKA) “Süni intellekt: sənayedə tətbiqi, hüquqi aspektləri, beynəlxalq təcrübə” mövzusunda seminar keçirilib.
Seminarda MSN-in tabeliyində olan “Azərsilah” Müdafiə Sənayesi Holdinqi” Qapalı Səhmdar Cəmiyyətinin, (“Azərsilah” QSC) MAKA-nın və Elmi-Tədqiqat İnstitutunun aparıcı mütəxəssisləri, Azərbaycan Texniki Universitetinin (AzTU) bakalavr və magistrları iştirak ediblər.
MAKA-nın baş direktor vəzifəsini müvəqqəti icra edən, baş direktorun birinci müavini Soltan Qasımov tədbiri açaraq, aktual elmi mövzulara həsr olunmuş belə seminarların keçirilməsinin əhəmiyyəti barədə danışıb.
Müdafiə sənayesi nazirinin müşaviri Arif Babayev çıxış edərək Azərbaycan Respublikasının Prezidenti cənab İlham Əliyevin AMEA-nın 80 illik yubileyində səsləndirdiyi fikirlərin süni intellektin inkişafı, elmi potensialın gücləndirilməsi və yeni texnoloji həllərin genişləndirilməsi baxımından mühüm yol xəritəsi olduğunu vurğulayıb. A.Babayev son illərdə Müdafiə Sənayesi Nazirliyinin rəhbərliyi tərəfindən müdafiə sənayesində süni intellektin tətbiqi, tədqiqatların dəstəklənməsi, idarəetmə mexanizmlərinin təkmilləşdirilməsi və kadr potensialının artırılması istiqamətində ardıcıl və sistemli işlər görüldüyünü qeyd edib.
Seminarda məruzəçilər “Müdafiə texnologiyaları və kibertəhlükəsizlikdə süni intellektin tətbiqi: çağırışlar, imkanlar və milli təhlükəsizlik perspektivləri”, “Süni intellekt sistemlərinin müdafiə sənayesində tətbiqi beynəlxalq təcrübədə”, “Süni intellektin tətbiqi: hüquq və insan hüquqları prizmasından. Beynəlxalq təcrübənin nəticələri”, “Biotibbi mühəndislik sahəsində süni intellekt texnologiyalarının tətbiqi: avtonom intellektual davranış modelləri” mövzularda təqdimatlarla çıxış ediblər.
Seminar interaktiv müzakirələrlə davam etdirilib.
Paylaşmaq üçün linki kopyala:
Yazını paylaş
Baxış sayı:
1820
Oxşar yazılar
17.07.2026, 16:03
Müdafiə sənayesi nazirinin müavini Mehman Baxışov Gürcüstanda rəsmi səfərdə olub
11.07.2026, 18:28
“Mühəndis Hazırlığı və Müdafiə Sənayesi Ekosisteminin İnkişafı Proqramı”nın hesabat və məzun günü ilə bağlı tədbir keçirilib
09.07.2026, 19:13
Vüqar Mustafayev Selçuk Bayraktarla görüşüb
02.07.2026, 18:06
Azərbaycan və Türkiyə arasında müdafiə sənayesi sahəsində əməkdaşlıq müzakirə olunub
30.06.2026, 18:31
Müdafiə sənayesi sahəsində kadr hazırlığı diqqət mərkəzindədir
30.06.2026, 11:08
Müdafiə Sənayesi Nazirliyinin şəhid olmuş əməkdaşları ölümündən sonra ordenlə təltif ediliblər
23.06.2026, 10:37
Müdafiə Sənayesi Nazirliyi Aparatının rəhbərinə “3-cü dərəcə dövlət müşaviri” ixtisas dərəcəsi verilib
17.06.2026, 15:45
“İnsan Hüquqları Aylığı” çərçivəsində maarifləndirici təlim keçirilib
16.06.2026, 16:50
"İxtisaslaşmış Akademik Tədris Proqramı" ilə bağlı infosessiyalar keçirilib
19.05.2026, 18:30
Müdafiə sənayesi sahəsində kadr hazırlığı və elmi əməkdaşlığın inkişafı məqsədilə görüş keçirilib