Müdafiə Sənayesi Nazirliyinin nümayəndə heyəti “IDEB-2024” sərgisində iştirak edir

Mayın 14-də Slovakiya Respublikasının Bratislava şəhərində “IDEB-2024” Müdafiə və Təhlükəsizlik Sərgisi öz işinə başlayıb. Tədbirdə Azərbaycan Respublikasının müdafiə sənayesi nazirinin müavini Mehman Baxışovun rəhbərlik etdiyi nümayəndə heyəti iştirak edir.

Slovakiya hərbi sənaye kompleksinin yerli və özəl şirkətləri ilə tanış olan M.Baxışov atıcı silahlar, döyüş sursatları, zirehli texnika, hərbi aviasiya, təhlükəsizlik texnologiyaları, naviqasiya sistemləri, şəxsi mühafizə avadanlıqları və s. məhsulların nümayiş etdirildiyi stendləri ziyarət edib.

O, sərgi çərçivəsində Slovakiya Respublikasının Baş nazirinin müavini, müdafiə naziri Robert Kalinak ilə görüşüb. Görüş zamanı birgə istehsal imkanlarının dəyərləndirilməsinə dair razılığa gəlinib, gələcək fəaliyyət planı haqqında fikir mübadiləsi aparılıb.

MSN-in nümayəndə heyəti, həmçinin “MSM Group”, “Delta Defence”, “DMD” şirkətlərinin rəhbər şəxsləri ilə görüşüb. Görüşlərdə qarşılıqlı maraq doğuran məsələlər müzakirə edilib.

Qeyd edək ki, sərgi mayın 16-da başa çatacaq.

Paylaşmaq üçün linki kopyala:

Yazını paylaş

Baxış sayı:

2216