Müdafiə Sənayesi Nazirliyinin bir qrup əməkdaşı Respublika Prezidentinin müvafiq sərəncamlarına əsasən fəxri adlara layiq görüldü və təltif olundular

Dekabrın 15-də Respublika Prezidenti İlham Əliyev Müdafiə Sənayesi Nazirliyinin bir qrup əməkdaşının “Əməkdar mühəndis” fəxri adına layiq görülmələrinə, “Tərəqqi” və “Dövlət qulluğunda fərqlənməyə görə” medalları ilə təltif olunmalarına dair Sərəncamlar imzalamışdır.

Respublikanın müdafiə sənayesinin inkişafındakı xidmətlərinə görə nazirliyin əməkdaşları Allahverdiyev Namiq Nadir oğlu, Cəfərquliyev Fərhad Bəhlul oğlu, Nəzərov İlqar Ələkbər oğlu “Əməkdar Mühəndis” fəxri adına layiq görülmüş, Bəşirov İsmayıl Ağabala oğlu, Əliyev Nazim Əmir oğlu, Əsədov Xəlil Həsən oğlu, Hacıyev Əmirxan Araz oğlu, İsayev Xaqani Şahbəddin oğlu, Quliyev Hidayət Söhbət oğlu, Quliyeva Solmaz Əliheydar qızı, Məhərrəmov Yadulla Həbulla oğlu, Məmmədov Hikmət Qardaşxan oğlu, Rəsulova Məlahət Kamil qızı “Tərəqqi” və Hüseynov Rafiq Qurban oğlu, Qafarova Züleyxa Əliseyn qızı, Məmmədov Akif Arif oğlu, Nəcəf-zadə Vüqar Nurəddin oğlu, Ömərli Ceyhun Allahverən oğlu “Dövlət qulluğunda fərqlənməyə görə” medalları ilə təltif olunmuşlar.

Paylaşmaq üçün linki kopyala:

Yazını paylaş

Baxış sayı:

3318