Müdafiə Sənayesi Nazirliyində 2 fevral - Azərbaycan Gəncləri Günü münasibətilə tədbir keçirilib
2 fevral - Azərbaycan Gəncləri Günü münasibətilə Müdafiə Sənayesi Nazirliyində tədbir keçirilib. Tədbirdə Azərbaycan Dövlət himni səsləndirilib. Tədbiri giriş sözü ilə açan nazir Mədət Quliyev çıxışı zamanı Nazirlikdə çalışan gənc əməkdaşları bu əlamətdar gün münasibəti ilə təbrik edib.
Ulu Öndər Heydər Əliyev həm Dövlət Təhlükəsizlik Komitəsində işlədiyi dövrdə, həm də Azərbaycanın siyasi rəhbərliyinə gəldikdən sonra ölkə gənclərinə daima xüsusi diqqət və qayğı göstərib. Bunun nəticəsidir ki, vaxtilə minlərlə gənc SSRİ-nin ali təhsil ocaqlarında təhsil alaraq ölkəmizə qayıtmış, öz bilik və bacarıqlarını Azərbaycanın inkişafına yönəltmişlər.
Ümummilli Lider Azərbaycanın siyasi rəhbərliyinə ikinci qayıdışından sonra da gənclərə, onların təhsilinə və inkişafına, dövlət idarəçiliyinə gənc kadrların cəlb olunmasına, gənclər siyasətinə ənənəvi olaraq xüsusi diqqət yetirib. Ulu Öndər Heydər Əliyevin 1997-ci ildə imzaladığı sərəncamla MDB məkanında və Şərqi Avropa ölkələri arasında ilk olaraq məhz Azərbaycanda Gənclər Gününün təsis olunması gənc nəslə göstərilən diqqət və qayğının bariz nümunəsidir. Bu gün Prezident İlham Əliyev Ulu Öndərin gənclər siyasətinə sadiqliyini öz qərarları ilə təsdiqləməkdədir. Dövlət başçısı gənclərimizi qayğılandıran məsələlərlə daim maraqlanır, onların problemlərinin həlli istiqamətində işlər görür, bölgələrdə gənclər üçün lazımi infrastrukturun və gənclər təşkilatlarının inkişafına əlverişli şəraitin yaradılması istiqamətində mühüm addımlar atır. Minlərlə istedadlı gəncimiz dünyanın qabaqcıl universitetlərində dövlət hesabına təhsil alır, bacarıqlı gənclər irəli çəkilir, onların sosial məişət problemlərinə xüsusi qayğı və diqqətlə yanaşılır.
Nazir vurğulayıb ki, 2020-ci ilin “Könüllülər ili” elan olunması Prezident İlham Əliyevin Azərbaycan gəncliyinə göstərdiyi xüsusi diqqətin təzahürüdür. Könüllülük hərəkatının daha da artması cəmiyyətdə xeyirxahlığı, yeni davranış qaydalarını təbliğ edəcək və gənclərin inkişafına böyük töhfələr verəcəkdir. “Könüllülər ili” çərçivəsində Müdafiə Sənayesi Nazirliyində gənclər üçün müəssisələrdə təcrübə keçməyə, özlərini sınamağa, sosial məsuliyyət hisslərini artırmağa şərait yaradılacaq.
Tədbirin sonunda Müdafiə Sənayesi Nazirliyinin birlik və müəssisələrində çalışan qabaqcıl gənc kadrlar fəxri fərman, “Qabaqcıl işçi” döş nişanı və pul mükafatı ilə təltif olunublar.
Paylaşmaq üçün linki kopyala:
Yazını paylaş
Baxış sayı:
4225
Oxşar yazılar
30.04.2026, 16:04
Vakant dövlət qulluğu vəzifəsinin tutulması üçün daxili müsahibə
29.04.2026, 18:06
Azərbaycan və BƏƏ arasında müdafiə sənayesi sahəsində əlaqələrin inkişaf perspektivləri müzakirə olunub
21.04.2026, 14:06
“DSA 2026” sərgisində bir sıra görüşlər keçirilib
20.04.2026, 14:08
Azərbaycan məhsulları “DSA 2026” sərgisində nümayiş etdirilir
16.04.2026, 18:50
Qazaxıstanla Azərbaycan arasında müdafiə sənayesi sahəsində ikitərəfli əməkdaşlığın inkişafı müzakirə olunub
15.04.2026, 19:20
Müdafiə sənayesi üçün kadr hazırlığı sahəsində əməkdaşlıq haqqında Memorandum çərçivəsində protokol imzalanıb
03.04.2026, 17:20
Azərbaycan Respublikasının Müdafiə Sənayesi Nazirliyində Azərbaycan ədəbi dilinin qorunması və düzgün tətbiq olunması ilə bağlı onlayn maarifləndirici tədbir keçirilib
03.04.2026, 15:53
Azərbaycan və Türkiyə müdafiə sənayesi sahəsində əməkdaşlıq üzrə Anlaşma Memorandumunun icrasına başlayıb
04.03.2026, 09:20
MSN ilə Türkiyənin Müdafiə Sənayesi Komitəsi arasında Anlaşma Memorandumu imzalanıb
03.03.2026, 12:20
Vüqar Mustafayevin rəhbərlik etdiyi nümayəndə heyəti Ankarada rəsmi səfərdədir