Müdafiə sənayesi naziri Mədət Quliyev Qırğızıstanın ölkəmizdəki səfirini qəbul edib
Aprelin 8-də Azərbaycan Respublikasının müdafiə sənayesi naziri Mədət Quliyev Qırğızıstan Respublikasının ölkəmizdəki səfiri Osmonalıyev Kayrat Mederbekoviçi qəbul edib.
Mədət Quliyev səfirin diqqətinə çatdırıb ki, Müdafiə Sənayesi Nazirliyi Azərbaycan Respublikasının Prezidenti cənab İlham Əliyevin şəxsi təşəbbüsü ilə 2005-ci ildə Silahlı Qüvvələrimizin döyüş hazırlığının daim yüksək səviyyədə saxlanması məqsədilə yaradılıb. Azərbaycan Ordusunun tarixi Qələbəsi ilə bitən 44 günlük Vətən müharibəsində hərbi əməliyyatlar zamanı yerli hərbi sənayemizin istehsalı olan bir sıra silah və texnikalardan aktiv istifadə edilməsi bu qərarın düzgün və zamanında qəbul edildiyini bir daha sübut etdiyini vurğulayan nazir səfiri Müdafiə Sənayesi Nazirliyinin tabeli müəssisələrində istehsal olunan müdafiə təyinatlı məhsullar barədə məlumatlandırıb. Eyni zamanda Mədət Quliyev Qırğızıstan Respublikasının hərbi sənaye sahəsində çalışan mütəxəssislərini Müdafiə Sənayesi Nazirliyinin müəssisələrini ziyarət etmək üçün Azərbaycana dəvət edib.
Görüş zamanı nazir və səfir arasında Müdafiə Sənayesi Nazirliyinin tabeli müəssisələrində istehsal olunan müdafiə təyinatlı məhsulların ixrac imkanlarına dair fikir mübadiləsi aparılıb və iki ölkə arasında hərbi texniki sahədə əməkdaşlığın qurulmasının və bu istiqamətdə əlaqələrin genişləndirilməsinin zəruriliyi vurğulanıb.
Qırğızıstan Respublikasının ölkəmizdəki səfiri Osmonalıyev Kayrat Mederbekoviç səmimi qəbula görə nazir Mədət Quliyevə təşəkkürünü bildirərək, 44 günlük Vətən müharibəsində qazanılan şanlı qələbəyə görə təbriklərini çatdırıb. Səfir hərbi-texniki sahədə Azərbaycan-Qırğızıstan əlaqələrinin genişləndirilməsi üçün böyük potensialın mövcud olduğunu və bu münasibətlərin gələcəkdə daha da uğurla inkişaf etdiriləcəyinə əminliyini bildirib.
Paylaşmaq üçün linki kopyala:
Yazını paylaş
Baxış sayı:
1169
Oxşar yazılar
30.04.2026, 16:04
Vakant dövlət qulluğu vəzifəsinin tutulması üçün daxili müsahibə
29.04.2026, 18:06
Azərbaycan və BƏƏ arasında müdafiə sənayesi sahəsində əlaqələrin inkişaf perspektivləri müzakirə olunub
21.04.2026, 14:06
“DSA 2026” sərgisində bir sıra görüşlər keçirilib
20.04.2026, 14:08
Azərbaycan məhsulları “DSA 2026” sərgisində nümayiş etdirilir
16.04.2026, 18:50
Qazaxıstanla Azərbaycan arasında müdafiə sənayesi sahəsində ikitərəfli əməkdaşlığın inkişafı müzakirə olunub
15.04.2026, 19:20
Müdafiə sənayesi üçün kadr hazırlığı sahəsində əməkdaşlıq haqqında Memorandum çərçivəsində protokol imzalanıb
03.04.2026, 17:20
Azərbaycan Respublikasının Müdafiə Sənayesi Nazirliyində Azərbaycan ədəbi dilinin qorunması və düzgün tətbiq olunması ilə bağlı onlayn maarifləndirici tədbir keçirilib
03.04.2026, 15:53
Azərbaycan və Türkiyə müdafiə sənayesi sahəsində əməkdaşlıq üzrə Anlaşma Memorandumunun icrasına başlayıb
04.03.2026, 09:20
MSN ilə Türkiyənin Müdafiə Sənayesi Komitəsi arasında Anlaşma Memorandumu imzalanıb
03.03.2026, 12:20
Vüqar Mustafayevin rəhbərlik etdiyi nümayəndə heyəti Ankarada rəsmi səfərdədir