“Konstitusiya və Suverenlik İli”nə həsr olunmuş konfrans keçirilib
Azərbaycan Respublikası Müdafiə Sənayesi Nazirliyinin (MSN) yaradılmasının 20 illiyi ilə əlaqədar keçirilən silsilə tədbirlər çərçivəsində MSN-in Milli Aerokosmik Agentliyində (MAKA) “Konstitusiya və Suverenlik İli”nə həsr olunmuş konfrans təşkil edilib.
Əvvəlcə tədbir iştirakçıları müasir Azərbaycan dövlətinin qurucusu Ümummilli Lider Heydər Əliyevin abidəsini ziyarət edib, önünə gül dəstələri qoyublar.
Akt zalında davam edən tədbirdə Ulu Öndər Heydər Əliyevin və Vətən uğrunda canından keçmiş şəhidlərimizin unudulmaz xatirəsi bir dəqiqəlik sükutla yad olunub, dövlət himni səsləndirilib.
Konfransda müdafiə sənayesi nazirinin müşaviri Arif Babayev, MAKA-nın baş direktor vəzifəsini müvəqqəti icra edən, baş direktorun birinci müavini Soltan Qasımov, MSN-in və MAKA-nın bir sıra əməkdaşları çıxış ediblər.
Çıxışlarda 2025-ci ildə Azərbaycan Respublikasının Konstitusiyasının qəbul edilməsinin 30-cu və Vətən müharibəsində qazanılan şanlı Zəfərin 5-ci ilinin tamam olduğu vurğulanaraq, dövlətimizin hüquqi və hərbi-siyasi sahədə əldə etdiyi nailiyyətlərdən bəhs edilib.
Bildirilib ki, Ulu Öndər Heydər Əliyevin rəhbərliyi və təşəbbüsü ilə 1995-ci ildə Azərbaycan Respublikasının Konstitusiyasının ümumxalq səsverməsi ilə qəbul olunması müstəqil dövlətimizin hüquqi əsasını formalaşdırdı, demokratik, hüquqi və dünyəvi dövlətin bərqərar olmasına möhkəm zəmin yaratdı.
Qeyd olunub ki, Müzəffər Ali Baş Komandan cənab İlham Əliyevin beynəlxalq arenada apardığı uğurlu siyasi mübarizə və güclü sərkərdəliyi ilə rəşadətli Silahlı Qüvvələrimiz tərəfindən Vətən müharibəsində qazanılan tarixi Qələbə və Qarabağ iqtisadi rayonunda həyata keçirilən lokal xarakterli antiterror əməliyyatı nəticəsində ölkəmizin ərazi bütövlüyü və suverenliyi tam bərpa edildi, Azərbaycan Konstitusiyasının hüquqi qüvvəsi işğaldan azad olunan bütün ərazilərdə bərqərar olundu.
Tədbirdə MSN-in fəaliyyətindən, son illərdə müdafiə sənayesi sahəsində əldə olunan uğurlardan, milli müdafiə potensialının gücləndirilməsi istiqamətində görülən işlərdən danışılıb, bu sahədə yerli istehsalın genişləndirilməsi, qabaqcıl texnologiyaların tətbiqi və beynəlxalq əməkdaşlığın dərinləşdirilməsi üçün atılan addımlar yüksək qiymətləndirilib.
Sonda “Konstitusiya və Suverenlik ili” ilə əlaqədar film nümayiş olunub.
Paylaşmaq üçün linki kopyala:
Yazını paylaş
Baxış sayı:
137
Oxşar yazılar
22.01.2026, 15:35
Vakant dövlət qulluğu vəzifəsinin tutulması üçün müsabiqə üzrə müsahibə
21.01.2026, 19:55
Vüqar Mustafayev Qabon Respublikasının milli müdafiə naziri ilə görüşüb
21.01.2026, 15:36
Müdafiə sənayesi nazirinin müavini Hidayət Əzimov Türkiyədə işgüzar səfərdədir
19.01.2026, 16:42
Müdəfiə Sənayesi Nazirliyinin kollektivi Şəhidlər xiyabanını ziyarət edib
13.01.2026, 14:28
Prezident İlham Əliyev Tərtər elektromexanika zavodunun yenidənqurmadan sonra açılışında iştirak edib
26.12.2025, 18:02
Azərbaycan ilə Vyetnam arasında müdafiə sənayesi sahəsində əməkdaşlıq imkanları müzakirə olunub
25.12.2025, 17:54
Vüqar Mustafayevin rəhbərlik etdiyi nümayəndə heyəti Vyetnamda işgüzar səfərdədir
23.12.2025, 23:42
“Suverenlik və Müdafiə Sənayesi: 20 ilin yolu” mövzusunda panel müzakirəsi təşkil edilib
19.12.2025, 17:27
Müdafiə sənayesi ekosisteminin inkişafı üzrə universitetlərlə birgə əməkdaşlıq istiqamətləri müzakirə edilib
17.12.2025, 10:25
Müdafiə Sənayesi Nazirliyi işçilərinin peşə bayramı: 20 illik inkişaf yolu