Hidayət Əzimovun rəhbərlik etdiyi nümayəndə heyəti “Partner 2025” sərgisində iştirak edir
Sentyabrın 23-də Serbiya Respublikasının Belqrad şəhərində “Partner 2025” 12-ci Beynəlxalq Silah və Hərbi Texnika Sərgisi öz işinə başlayıb. Tədbirdə Azərbaycan Respublikası müdafiə sənayesi nazirinin müavini Hidayət Əzimovun rəhbərlik etdiyi nümayəndə heyəti iştirak edir.
İki ildən bir keçirilən sərgidə dünyanın müxtəlif ölkələrindən olan silah və hərbi texnika, raket kompleksləri, müasir atıcı silahlar, pilotlu və pilotsuz hava vasitələri, zirehli texnika, radioelektron mübarizə vasitələri və digər müasir müdafiə təyinatlı məhsullar nümayiş etdirilir.
Səfər çərçivəsində H.Əzimov paytaxt Belqraddakı Taşmaydan parkında Ümummilli Lider Heydər Əliyevin abidəsini ziyarət edərək, önünə gül dəstələri qoyub, Ulu Öndərin əziz xatirəsini ehtiramla yad edib.
Daha sonra nazir müavini sərgidə müxtəlif ölkələrin və şirkətlərin stendlərində nümayiş etdirilən məhsullarla tanış olub.
H.Əzimov Serbiyanın müdafiə nazirinin büdcə və maliyyə məsələləri üzrə müavini Goran Momçiloviç və “Yugoimport SDPR” dövlət şirkətinin baş direktoru Yugoslav Petkoviç ilə görüşüb.
Görüşlər zamanı ölkələrimiz arasında müdafiə sənayesi sahəsində əməkdaşlığın mövcud vəziyyəti təhlil olunub, tərəfdaşlıq əlaqələrinin inkişafına dair fikir mübadiləsi aparılıb. Tərəflər qarşılıqlı etimad və anlayışa əsaslanan münasibətlərin genişləndirilməsi üçün perspektiv imkanları nəzərdən keçiriblər.
Qeyd edək ki, “Partner 2025” 12-ci Beynəlxalq Silah və Hərbi Texnika Sərgisi sentyabrın 26-da başa çatacaq.
Paylaşmaq üçün linki kopyala:
Yazını paylaş
Baxış sayı:
145
Oxşar yazılar
22.01.2026, 15:35
Vakant dövlət qulluğu vəzifəsinin tutulması üçün müsabiqə üzrə müsahibə
21.01.2026, 19:55
Vüqar Mustafayev Qabon Respublikasının milli müdafiə naziri ilə görüşüb
21.01.2026, 15:36
Müdafiə sənayesi nazirinin müavini Hidayət Əzimov Türkiyədə işgüzar səfərdədir
19.01.2026, 16:42
Müdəfiə Sənayesi Nazirliyinin kollektivi Şəhidlər xiyabanını ziyarət edib
13.01.2026, 14:28
Prezident İlham Əliyev Tərtər elektromexanika zavodunun yenidənqurmadan sonra açılışında iştirak edib
26.12.2025, 18:02
Azərbaycan ilə Vyetnam arasında müdafiə sənayesi sahəsində əməkdaşlıq imkanları müzakirə olunub
25.12.2025, 17:54
Vüqar Mustafayevin rəhbərlik etdiyi nümayəndə heyəti Vyetnamda işgüzar səfərdədir
23.12.2025, 23:42
“Suverenlik və Müdafiə Sənayesi: 20 ilin yolu” mövzusunda panel müzakirəsi təşkil edilib
19.12.2025, 17:27
Müdafiə sənayesi ekosisteminin inkişafı üzrə universitetlərlə birgə əməkdaşlıq istiqamətləri müzakirə edilib
17.12.2025, 10:25
Müdafiə Sənayesi Nazirliyi işçilərinin peşə bayramı: 20 illik inkişaf yolu