Gənclərimizin çağdaş texnoloji biliklərə yiyələnməsində yeni yanaşma
Aprelin 14-də Müdafiə Sənayesi Nazirliyinin (MSN) təşkilatçılığı və Təhsil Nazirliyinin dəstəyi ilə MSN-in müəssisələrindən birində Bakı şəhərindəki Texniki-Humanitar və 16 saylı Texniki-humanitar liseylərin, həmçinin 44 saylı tam orta məktəbin yuxarı sinif şagirdləri üçün növbəti məlumat turu təşkil edilib.
Milli mənəvi dəyərlərimizin qorunmasında gənclərin rolunun artırılması, onların çağdaş texnoloji biliklərə yiyələnməsi, gələcəkdə ixtisaslı kadrlar kimi püxtələşməsi üçün potensiallarının stimullaşdırılması, müasir, inkişaf etmiş, yüksək intellektli aparıcı qüvvə kimi formalaşması məqsədilə təşkil edilən məlumat turları çərçivəsində keçirilmiş tədbirdə Nazirliyin məsul əməkdaşları çıxış edərək şagirdləri MSN-in tarixi və fəaliyyəti barədə məlumatlandırıblar. Çıxış edənlər cəmiyyətin sürətli tərəqqisində təhsilin vacib rol oynamasından, son illərdə Azərbaycan Respublikasının Prezidenti cənab İlham Əliyev və Birinci vitse-prezident xanım Mehriban Əliyeva tərəfindən ölkədə yüksək ixtisaslı, peşəkar kadrların hazırlanması, ali təhsildə rəqabət mühitinin formalaşdırılması istiqamətində verilən mühüm qərarlardan bəhs ediblər.
Eyni zamanda müasir dövrdə dünya iqtisadiyyatında müşahidə olunan inqilabi texnoloji dəyişikliklər, elmin və texnikanın sürətli inkişafı fonunda iqtisadi imkanların insan kapitalına çevrilməsi yolunda ardıcıl və sistemli tədbirlərin həyata keçirilməsindən danışılıb, müdafiə sənayesi üzrə gənc mütəxəssislərin yetişdirilməsinə və gənclərin bu sahəyə maraq göstərməsinin milli mənafelərə uyğun olduğu vurğulanıb.
Məlumat turu çərçivəsində şagirdlər MSN-in modern üslubda hazırlanmış sərgi salonunda Nazirliyin müəssisələrində istehsal edilən müxtəlif atıcı silah və sursatların, eləcə də müasir texnoloji məmulatların nümunələri ilə tanış olublar. Nümayiş etdirilən hərbi təyinatlı məhsullar barədə məlumatlar şagirdlər tərəfindən böyük maraqla qarşılanıb.
Müdafiə Sənayesi Nazirliyinin əməkdaşı, Vətən Müharibəsi Qəhrəmanı Qəzənfər Ağayev keçdiyi döyüş yolundan şagirdlərlə maraqlı xatirələrini bölüşüb, 44 günlük Vətən Müharibəsində Azərbaycan övladlarının fədakarlıq, igidlik və cəsarət nümunələrini diqqətə çatdırıb.
Sonda Müzəffər Ali Baş Komandanın rəhbərliyi ilə qazanılan bu şanlı Zəfərə MSN-in verdiyi töhfələrdən, eləcə də Nazirliyin şəhid əməkdaşlarının, müharibə iştirakçısı olan işçilərinin Vətən müharibəsində göstərdikləri rəşadətdən bəhs edən “Tarix yazan qəhrəmanlar” kitabı yuxarıda qeyd olunan təhsil ocaqlarının kitabxanalarına hədiyyə edilib.
Paylaşmaq üçün linki kopyala:
Yazını paylaş
Baxış sayı:
1852
Oxşar yazılar
30.04.2026, 16:04
Vakant dövlət qulluğu vəzifəsinin tutulması üçün daxili müsahibə
29.04.2026, 18:06
Azərbaycan və BƏƏ arasında müdafiə sənayesi sahəsində əlaqələrin inkişaf perspektivləri müzakirə olunub
21.04.2026, 14:06
“DSA 2026” sərgisində bir sıra görüşlər keçirilib
20.04.2026, 14:08
Azərbaycan məhsulları “DSA 2026” sərgisində nümayiş etdirilir
16.04.2026, 18:50
Qazaxıstanla Azərbaycan arasında müdafiə sənayesi sahəsində ikitərəfli əməkdaşlığın inkişafı müzakirə olunub
15.04.2026, 19:20
Müdafiə sənayesi üçün kadr hazırlığı sahəsində əməkdaşlıq haqqında Memorandum çərçivəsində protokol imzalanıb
03.04.2026, 17:20
Azərbaycan Respublikasının Müdafiə Sənayesi Nazirliyində Azərbaycan ədəbi dilinin qorunması və düzgün tətbiq olunması ilə bağlı onlayn maarifləndirici tədbir keçirilib
03.04.2026, 15:53
Azərbaycan və Türkiyə müdafiə sənayesi sahəsində əməkdaşlıq üzrə Anlaşma Memorandumunun icrasına başlayıb
04.03.2026, 09:20
MSN ilə Türkiyənin Müdafiə Sənayesi Komitəsi arasında Anlaşma Memorandumu imzalanıb
03.03.2026, 12:20
Vüqar Mustafayevin rəhbərlik etdiyi nümayəndə heyəti Ankarada rəsmi səfərdədir