"Aqreqat" İstehsalat Birliyinin "Telemexanika" zavodunda yeni istehsal sahələrinin açılışı oldu
1 aprel 2010-cu il tarixində “Aqreqat” İstehsalat Birliyinin “Telemexanika” zavodunda yeni istehsal sahələrinin açılışı oldu.
Açılışda respublika prezidenti cənab İlham Əliyev iştirak etdi.
Zavodun həyətində ulu öndər Heydər Əliyevin xatirəsinə qoyulmuş büst ziyarət edildi.
Sonra respublika prezidentinə zavodla bağlı ətraflı məlumat verildi. Bildirildi ki, zavod 2006-cı ildən Müdafiə Sənayesi Nazirliyinin tərkibində fəaliyyət göstərir. Zavod nazirliyin tabeliyinə veriləndən sonra burada müvafiq bərpa və yenidənqurma işləri aparılmış və yeni istehsal sahələri yaradılmışdır.
Respublika prezidenti cənab İlham Əliyev zavodda yaradılan yeni istehsal sahəsini işə saldı.
Zavod əsaslı təmirdən sonra 2007-ci ilin dekabr ayında respublika prezidenti cənab İlham Əliyevin iştirakı ilə istifadəyə verilib. Son iki ildə müəssisədə silsilə yenidənqurma tədbirləri həyata keçirilmiş, dünyanın inkişaf etmiş ölkələrində istehsal olunan dəzgah, avadanlıq və istehsal xətləri quraşdırılmışdır.Yeni mexaniki emal sahəsində quraşdırılmış proqramla idarə olunan rotor xətlərində mürəkkəb konstruksiyaya malik məmulatların istehsalı təşkil olunmuşdur. Müəssisədə müdafiə təyinatlı məhsullarla yanaşı, müxtəlif növ mülki məhsulların istehsalı da aparılır.
Yaradılmış 5 yeni istehsal sahəsində 140-dan çox yeni iş yeri açılmışdır. Hazırda müəssisədə 330 nəfər işçi çalışır.
Müəssisədə istehsal olunan hərbi təyinatlı məhsullardan ibarət sərgiyə baxış oldu.
Sonda respublika prezidenti cənab İlham Əliyev görülmüş işlərlə bağlı razılığını bildirdi, tapşırıq və tövsiyələrini verdi.
Paylaşmaq üçün linki kopyala:
Yazını paylaş
Baxış sayı:
2210
Oxşar yazılar
30.04.2026, 16:04
Vakant dövlət qulluğu vəzifəsinin tutulması üçün daxili müsahibə
29.04.2026, 18:06
Azərbaycan və BƏƏ arasında müdafiə sənayesi sahəsində əlaqələrin inkişaf perspektivləri müzakirə olunub
21.04.2026, 14:06
“DSA 2026” sərgisində bir sıra görüşlər keçirilib
20.04.2026, 14:08
Azərbaycan məhsulları “DSA 2026” sərgisində nümayiş etdirilir
16.04.2026, 18:50
Qazaxıstanla Azərbaycan arasında müdafiə sənayesi sahəsində ikitərəfli əməkdaşlığın inkişafı müzakirə olunub
15.04.2026, 19:20
Müdafiə sənayesi üçün kadr hazırlığı sahəsində əməkdaşlıq haqqında Memorandum çərçivəsində protokol imzalanıb
03.04.2026, 17:20
Azərbaycan Respublikasının Müdafiə Sənayesi Nazirliyində Azərbaycan ədəbi dilinin qorunması və düzgün tətbiq olunması ilə bağlı onlayn maarifləndirici tədbir keçirilib
03.04.2026, 15:53
Azərbaycan və Türkiyə müdafiə sənayesi sahəsində əməkdaşlıq üzrə Anlaşma Memorandumunun icrasına başlayıb
04.03.2026, 09:20
MSN ilə Türkiyənin Müdafiə Sənayesi Komitəsi arasında Anlaşma Memorandumu imzalanıb
03.03.2026, 12:20
Vüqar Mustafayevin rəhbərlik etdiyi nümayəndə heyəti Ankarada rəsmi səfərdədir