"Aqreqat" İstehsalat Birliyinin Şirvan "Araz" zavodunun əsaslı yenidənqurmadan sonra açılışı oldu
1 aprel 2010-cu il tarixində “Aqreqat” İstehsalat Birliyinin Şirvan “Araz” zavodunun açılışı oldu.
Açılışda respublika prezidenti cənab İlham Əliyev iştirak etdi.
İlk əvvəl zavodun həyətində ulu öndər Heydər Əliyevin xatirəsinə qoyulmuş abidə ziyarət edildi.
Dövlət başçısı rəmzi açılışı bildirən lenti kəsdikdən sonra zavodla tanışlıq oldu. Zavodun əvvəlki görünüşünü əks etdirən videofilmə və müəssisənin baş planına baxıldı.
Zavodda ulu öndərin Azərbaycana rəhbərlik etdiyi dövrlərdə respublikada ordu quruculuğu sahəsində görülmüş işləri əks etdirən fotoların sərgiləndiyi Heydər Əliyev muzeyinə baxış oldu.
Müəssisədə istehsal olunan mülki və hərbi təyinatlı məhsullardan ibarət sərgiyə də baxıldı.
Zavodla yaxından tanış olan respublika prezidentinə müəssisədə aparılan əsaslı yenidənqurma işləri barədə məlumat verildi. Bildirildi ki, zavodun ümumi ərazisi genişləndirilərək 174 hektara çatdırılmışdır. İnzibati bina, bütün istehsal sexləri və sahələri əsaslı surətdə yenidən qurulmuş, xüsusi təyinatlı məhsul istehsal etmək üçün 2 min kvadratmetr sahəsi olan 2 sex, yeməkxana istifadəyə verilmişdir. Zavodda 2009-cu ildə 2 növ xüsusi təyinatlı yeni məhsul buraxılışına başlanmışdır. Buraxılan məhsullar sınaqdan uğurla çıxmışdır. Müəssisənin ərazisində xüsusi təyinatlı 7-ci sahədə tikinti-quraşdırma işləri başa çatmaq üzrədir. 2010-cu ilin sonunadək istifadəyə verilməsi nəzərdə tutulan 6-cı sahədə də tikinti-quraşdırma işləri başlanılmışdır. Həmin istehsal sahələri istifadəyə verildikdən sonra yüzlərlə şəhər sakini daimi işlə təmin ediləcəkdir. Hal-hazırda zavod üzrə işçilərin sayı 70 nəfərdir.
Zavodun ərazisində 5000-dən artıq həmişəyaşıl ağac əkilib.
Sonda respublika prezidenti cənab İlham Əliyev görülmüş işlərlə bağlı razılığını bildirdi, tapşırıq və tövsiyələrini verdi.
Paylaşmaq üçün linki kopyala:
Yazını paylaş
Baxış sayı:
1620
Oxşar yazılar
30.04.2026, 16:04
Vakant dövlət qulluğu vəzifəsinin tutulması üçün daxili müsahibə
29.04.2026, 18:06
Azərbaycan və BƏƏ arasında müdafiə sənayesi sahəsində əlaqələrin inkişaf perspektivləri müzakirə olunub
21.04.2026, 14:06
“DSA 2026” sərgisində bir sıra görüşlər keçirilib
20.04.2026, 14:08
Azərbaycan məhsulları “DSA 2026” sərgisində nümayiş etdirilir
16.04.2026, 18:50
Qazaxıstanla Azərbaycan arasında müdafiə sənayesi sahəsində ikitərəfli əməkdaşlığın inkişafı müzakirə olunub
15.04.2026, 19:20
Müdafiə sənayesi üçün kadr hazırlığı sahəsində əməkdaşlıq haqqında Memorandum çərçivəsində protokol imzalanıb
03.04.2026, 17:20
Azərbaycan Respublikasının Müdafiə Sənayesi Nazirliyində Azərbaycan ədəbi dilinin qorunması və düzgün tətbiq olunması ilə bağlı onlayn maarifləndirici tədbir keçirilib
03.04.2026, 15:53
Azərbaycan və Türkiyə müdafiə sənayesi sahəsində əməkdaşlıq üzrə Anlaşma Memorandumunun icrasına başlayıb
04.03.2026, 09:20
MSN ilə Türkiyənin Müdafiə Sənayesi Komitəsi arasında Anlaşma Memorandumu imzalanıb
03.03.2026, 12:20
Vüqar Mustafayevin rəhbərlik etdiyi nümayəndə heyəti Ankarada rəsmi səfərdədir