9 Noyabr – Dövlət Bayrağı Günü münasibətilə tədbir təşkil olunub
Müdafiə Sənayesi Nazirliyinin inzibatı binasında 9 Noyabr – Azərbaycan Respublikasının Dövlət Bayrağı Günü münasibətilə tədbir təşkil olunub.
Azərbaycan Respublikasının dövlət himninin səsləndirilməsi ilə başlanan mərasimdə çıxış edən Müdafiə Sənayesi naziri, Azərbaycanın Milli Qəhrəmanı Mədət Quliyev üçrəngli bayrağımızın Azərbaycan xalqının azadlıq məfkurəsinə, milli-mənəvi dəyərlərə və ümumbəşəri ideallara sadiqliyini nümayiş etdirdiyini söyləyib. Müstəqilliyini bərpa etdikdən sonra dövlət bayrağımızın bütün ölkə vətəndaşları üçün müqəddəs dövlətçilik rəmzlərindən birinə çevrildiyi qürur hissi ilə xatırlanıb. Azərbaycan Respublikasının müstəqilliyinin rəmzi olan dövlət bayrağımızın hər zaman yüksəklərdə dalğalanması üçün Müdafiə Sənayesi Nazirliyinin əməkdaşlarının daima əllərindən gələni əsirgəməyəcəklərinə, fədakar xidmətləri ilə göstərilən etimadı layiqincə doğruldacaqlarına əminlik ifadə olunub.
Tədbirdə çıxış edən görkəmli tarixçi, Milli Məclisin deputatı, AMEA-nın Qafqazşünasılıq İnstitutunun direktoru, professor Musa Qasımlı 1918-ci il noyabrın 9-da Azərbaycan Xalq Cümhuriyyəti Hökumətinin iclasında qəbul edilən və 1920-ci ilin aprel ayınadək dövlət statusuna malik olan üçrəngli bayrağımızın 72 ildən sonra Ulu Öndər Heydər Əliyevin təşəbbüsü ilə yenidən dövlət bayrağı kimi təsdiqləndiyini iştirakçıların diqqətinə çatdırıb. Prezident İlham Əliyevin 2009-cu il noyabrın 17-də imzaladığı Sərəncamla 9 noyabr tarixinin Dövlət Bayrağı Günü kimi təsis olunduğunu qeyd edən millət vəkili bayrağımızı uca tutmağın, vüqarla dalğalandırmağın hər bir vətəndaşımızın müqəddəs borcu olduğunu söyləyib.
Paylaşmaq üçün linki kopyala:
Yazını paylaş
Baxış sayı:
2656
Oxşar yazılar
30.04.2026, 16:04
Vakant dövlət qulluğu vəzifəsinin tutulması üçün daxili müsahibə
29.04.2026, 18:06
Azərbaycan və BƏƏ arasında müdafiə sənayesi sahəsində əlaqələrin inkişaf perspektivləri müzakirə olunub
21.04.2026, 14:06
“DSA 2026” sərgisində bir sıra görüşlər keçirilib
20.04.2026, 14:08
Azərbaycan məhsulları “DSA 2026” sərgisində nümayiş etdirilir
16.04.2026, 18:50
Qazaxıstanla Azərbaycan arasında müdafiə sənayesi sahəsində ikitərəfli əməkdaşlığın inkişafı müzakirə olunub
15.04.2026, 19:20
Müdafiə sənayesi üçün kadr hazırlığı sahəsində əməkdaşlıq haqqında Memorandum çərçivəsində protokol imzalanıb
03.04.2026, 17:20
Azərbaycan Respublikasının Müdafiə Sənayesi Nazirliyində Azərbaycan ədəbi dilinin qorunması və düzgün tətbiq olunması ilə bağlı onlayn maarifləndirici tədbir keçirilib
03.04.2026, 15:53
Azərbaycan və Türkiyə müdafiə sənayesi sahəsində əməkdaşlıq üzrə Anlaşma Memorandumunun icrasına başlayıb
04.03.2026, 09:20
MSN ilə Türkiyənin Müdafiə Sənayesi Komitəsi arasında Anlaşma Memorandumu imzalanıb
03.03.2026, 12:20
Vüqar Mustafayevin rəhbərlik etdiyi nümayəndə heyəti Ankarada rəsmi səfərdədir