16 İyun, 2023 12:17
486
"Şahin" hərbi-idman oyununun final mərhələsində MSN-in istehsalı olan silah və sursatlar sərgilənib
İyunun 15-də Mingəçevir şəhərində yerləşən "Kür" Olimpiya Tədris-İdman Mərkəzində "Şahin" hərbi-idman oyununun final mərhələsi keçirilib.
Final mərhələsində Gənclər və İdman Nazirliyinin müraciəti əsasında Müdafiə Sənayesi Nazirliyinin istehsalı olan 48 adda məmulatın nümunələri sərgilənib. Sərgidə Nazirliyin tabeli birlik və müəssisələrindən Şərq İB, Üfüq İB, Cihaz İB, Optika-Mexanika İB və MAKA iştirak ediblər.
Gənclər və İdman naziri Fərid Qayıbovun iştirakı ilə açılışı baş tutan sərgidə MSN-in istehsalı olan atıcı silahlar, sursatlar, optik nişangahlar, pirotexniki vasitələr, pilotsuz uçuş aparatları nümayiş olunub.
