Bu gün səhər saat 08.00 radələrində Müdafiə Sənayesi Nazirliyinin "Radioquraşdırma" zavodunun sexlərindən birində yaranmış qısaqapanma nəticəsində “Quruducu dolabda” yanğın baş vermişdir.

Yanğın dərhal söndürülmüşdür. Lakin yaranmış hadisədən həyəcan hissi keçirən sexin işçisi, 1958-ci il təvəllüdlü Cəfərova İmarət Qədir qızı ürək çatışmamazlığından dünyasını dəyişmişdir.

Hal-hazırda Müdafiə Sənayesi Nazirliyinin və aidiyyəti dövlət qurumlarının nümayəndələri tərəfindən hadisənin baş vermə səbəbləri araşdırılır.