Avqustun 14-də Azərbaycan Respublikasının müdafiə sənayesi nazirinin müavini Hidayət Əzimov ölkəmizdə işguzar səfərdə olan Özbəkistan Respublikasının investisiyalar, sənaye və ticarət nazirinin müavini Akram Əliyevin rəhbərlik etdiyi nümayəndə heyəti ilə görüşüb.

H.Əzimov qonaqları salamlayaraq onları Azərbaycanda görməkdən məmnunluğunu ifadə edib.

Səmimi qəbula görə təşəkkür edən A.Əliyev ölkələrimiz arasında ikitərəfli əlaqələrin bundan sonra da inkişaf edəcəyindən əminliyini bildirib.

Görüş zamanı türk xalqlarının həmrəyliyinin əhəmiyyəti vurğulanıb, Azərbaycan və Özbəkistan arasında münasibətlərin bütün istiqamətlər üzrə uğurla inkişaf etdiyi qeyd edilib, müdafiə sənayesi sahəsində əlaqələrin mövcud vəziyyəti, gələcək əməkdaşlığın genişləndirilməsi və qarşılıqlı maraq doğuran digər məsələlər barəsində fikir mübadiləsi aparılıb.