Dördüncü ildir ki, öz peşə bayramlarını qeyd edən Müdafiə Sənayesi Nazirliyinin işçiləri əvvəlcə Fəxri xiyabanda ümummilli lider Heydər Əliyevin xatirəsini ehtiramla yad etdi, məzarı önünə əklil qoydular. Görkəmli oftalmoloq alim, akademik Zərifə xanım Əliyevanın da xatirəsi yad olundu, məzarı üstünə gül dəstələri düzüldü. Şəhidlər xiyabanında uyuyan, Azərbaycanın müstəqilliyi və ərazi bütövlüyü uğrunda canlarından keçmiş qəhrəman Vətən övladlarının məzarları ziyarət edildi, “Əbədi məşəl” abidəsinin önünə əklil qoyuldu.

Müdafiə Sənayesi Nazirliyi işçilərinin bu il ki, peşə bayramı daha bir əlamətdar hadisə ilə yadda qaldı.

Məhz bu gün, Respublika Prezidenti İlham Əliyevin iştirakı ilə Müdafiə Sənayesi Nazirliyinin yeni bir istehsal müəssisəsinin – Təcrübə-sınaq zavodunun əsaslı təmir və yendənqurmadan sonra açılışı oldu.

Açılışda iştirak edən Respublika Prezidenti zavodda yaradılmış şəraitdən razı qaldığını bildirdi, kollektivə tapşırıq və tövsiyyələrini verdi.