Azərbaycanda Müdafiə Sənayesi Nazirliyinin xətti ilə hərbi təyinatlı məhsulların buraxılması prosesi uğurla gedir və biz bu sahədə də böyük nailiyyətlərə çata bilmişik
İlham Əliyev
19 Oktyabr, 2021 10:00 609

Müdafiə Sənayesi Nazirliyinin əməkdaşı Tbilisi və Rustavi şəhərləri arasında keçirilən marafonda 3-cü yeri tutub

17 oktyabr tarixində Azərbaycan Respublikasının Gürcüstandakı səfirliyinin təşkilatçılığı ilə Azərbaycan Respublikasının Dövlət Müstəqilliyinin Bərpasının 30 illiyinə həsr olunmuş marafon keçirilib. Tbilisi-Rustavi arası 30 km qaçış məsafəsi olan və 300 nəfərin iştirak etdiyi yarışda Müdafiə Sənayesi Nazirliyinin əməkdaşı Vüqar Abdullayev də iştirak edərək 3-cü yeri tutub.

Vüqar Abdullayev yarışdan sonra Tbilisidəki Heydər Əliyev parkında Ümummilli Liderin büstünü ziyarət edərək önünə gül dəstələri qoyub.

İzləyicilər arasında Azərbaycan Respublikasının Gürcüstandakı Fövqəladə və Səlahiyyətli səfiri Faiq Quliyevin də olduğu yarışın sonunda qaliblər təşkilatçılar tərəfindən medal, diplom və hədiyyələrlə təltif ediliblər.