Müdafiə Sənayesi Nazirliyi işçilərinin peşə bayramı ərəfəsində -11 dekabr 2013-cü il tarixində Respublika Prezidenti İlham Əliyev nazirliyin bir qrup əməkdaşının “Əməkdar mühəndis” fəxri adına layiq görülmələrinə, “Tərəqqi” və “Dövlət qulluğunda fərqlənməyə görə” medalları ilə təltif olunmalarına dair Sərəncamlar imzalamışdır. 

Respublikanın müdafiə sənayesinin inkişafındakı xidmətlərinə görə nazirliyin əməkdaşları Cəfərov Firad Dadaş oğlu, Əliyev Çingiz Paşa oğlu, Hacıyev Konstantin Hacı-Ağa oğlu, Nuşiyev Mövludpaşa Məmmədxan oğlu “Əməkdar Mühəndis” fəxri adına layiq görülmüş, Babayeva Zülfiyyə Aslan qızı, Cəfərquliyev Fərhad Bəhlul oğlu, Ələkbərov Rasim Ələkbər oğlu, İbadova Məlahət Əsədxan qızı, Quliyev Rəhman İsmayıl oğlu, Qurbanov Ənvər Cəllad oğlu, Məmmədov Mehman Hüsan oğlu, Nuriyev Tahir Faiq oğlu, Salahova İradə Yunis qızı, Vəliyeva Almaz Salman qızı  “Tərəqqi” və Babayeva Kəmalə Ələkbər qızı, Fətəliyev Vəli Muxtar oğlu, Mozqunovna Tatyana Maratovna, Salahova Leyla Yunis qızı, Süleymanova Ülkər Məmməd qızı  “Dövlət qulluğunda fərqlənməyə görə” medalları ilə təltif olunmuşlar.