Azərbaycanda Müdafiə Sənayesi Nazirliyinin xətti ilə hərbi təyinatlı məhsulların buraxılması prosesi uğurla gedir və biz bu sahədə də böyük nailiyyətlərə çata bilmişik
İlham Əliyev
01 Dekabr, 2022 12:00 448

Müdafiə sənayesi işçiləri Respublika spartakiadasında uğurlu nəticələr qazanıblar

Azərbaycan Həmkarlar İttifaqları Konfederasiyası tərəfindən keçirilən 18 Oktyabr - Müstəqilliyin Bərpası Gününə həsr olunmuş “Zenit” İdman Cəmiyyəti üzrə XXII Respublika spartakiadası başa çatıb. Müdafiə Sənayesi İşçiləri Həmkarlar İttifaqı Respublika Komitəsinin yığma komandaları spartakiadada uğurla çıxış ediblər.

Müdafiə Sənayesi Nazirliyi (MSN) və Nazirliyin tabeli birlik və müəssisələrinin əməkdaşlarından təşkil olunmuş heyətlərdən voleybol, üzgüçülük və güllə atıcılığı komandaları bütün rəqiblərini geridə qoyaraq, birinci yerə layiq görülüblər.

Şahmat və kəndirdartma komandaları ikinci, stolüstü tennis, mini futbol və dama komandaları üçüncü yerlə kifayətləniblər.

Fərdi mübarizədə isə MSN-nin Milli Aerokosmik Agentliyinin əməkdaşı Aysel Əzizova üzgüçülük yarışında üçüncü yerdə qərarlaşıb.

Qeyd edək ki, spartakiadada aviasiya, elektroenergetika və elektrotexnika, müdafiə sənayesi, avtomobil nəqliyyatı və yol təsərrüfatı, metal işçiləri və metropoliten əməkdaşlarından ibarət yığma komandalar mübarizə aparıblar.