Azərbaycan Respublikasının müdafiə sənayesi naziri Mədət Quliyev Türkiyədə keçirilən “Saha Expo-2022” Müdafiə və Aerokosmik sərgisində iştirak edir.

Oktyabrın 25-dən 28-dək İstanbul Sərgi Mərkəzində təşkil edilən mötəbər tədbirə 25-dən çox ölkədən 1000-ə yaxın yerli və xarici şirkətlər qatılıb.

M.Quliyev sərgi zamanı Türkiyə Respublikasının Müdafiə Sənayesi Komitəsinin sədri İsmail Demir ilə görüşüb.

Görüşdə mövcud əməkdaşlığın inkişaf perspektivləri, daha da genişləndirilməsi və maraq doğuran digər məsələlər barəsində fikir mübadiləsi aparılıb.

Görüş konstruktiv və anlaşma şəraitində keçib.

Qeyd edək ki, sərgi zamanı müdafiə sənayesi naziri Mədət Quliyevin Türkiyənin dövlət və hökumət nümayəndələri, sərgidə iştirak edən bir sıra ölkələrin nümayəndə heyətlərinin rəhbərləri və aparıcı şirkətlərin təmsilçiləri ilə görüşləri də nəzərdə tutulub.