Azərbaycanda Müdafiə Sənayesi Nazirliyinin xətti ilə hərbi təyinatlı məhsulların buraxılması prosesi uğurla gedir və biz bu sahədə də böyük nailiyyətlərə çata bilmişik
İlham Əliyev
24 Avqust, 2023 14:00 556

Azərbaycan Respublikasının müdafiə sənayesi naziri Mədət Quliyev 3-cü "YAŞAT" düşərgəsinin qonağı olub

“YAŞAT” Fondunun və ASAN Könüllüləri Təşkilatının birgə təşkilatçılığı, "PMD Hospitality"nin tərəfdaşlığı ilə həyata keçirilən və Ulu Öndər Heydər Əliyevin 100 illik yubileyinə həsr olunan 3-cü “YAŞAT” düşərgəsinin 6-cı həftəsi davam edir.

Altıncı həftənin 3-cü və 4-cü günlərində psixoloqlarla görüşlər, hovuz saatları, miniqolf turniri və dart yarışları, “Hədəf” liseyi tərəfindən "STEAM" proqramının təqdimatı, eyni zamanda "Booo.az" tərəfindən komanda quruculuğu oyunları təşkil olunub.

Uşaqların, həmçinin Azərbaycan Respublikasının müdafiə sənayesi naziri, Azərbaycanın Milli Qəhrəmanı Mədət Quliyev ilə görüşü baş tutub. Nazir iştirakçılara Ulu öndər Heydər Əliyev ilə görüşlərindən və xoş xatirələrindən danışıb, idarəçilik və rəhbərlik təcrübələrini bölüşüb.

Mədət Quliyev uşaqlarla birgə nahar edib.