Mehman Abbas oğlu Baxışov 1959-cu il iyul ayının 28-də Abşeron rayonunun Altıağac kəndində anadan olub.

1974-cü ildə C.Naxçıvanski adına Hərbi Liseyə daxil olmuş, 1976-ci ildə həmin liseyi bitirib.

1976-cı ildə Xəzər Ali Hərbi Dənizçilik Məktəbinə daxil olmuş və 1981-ci ildə həmin məktəbin hərbi mühəndis-texnoloq fakültəsini bitirib.

1981-ci ilin iyul ayından 1985-ci ilin avqust ayınadək SSRİ Hərbi Dəniz Donanmasının Mərkəzi Kimya Anbarında Saxlama şöbəsinin rəisi vəzifəsində xidmət edib.

1985-ci ilin avqust ayından SSRİ Müdafiə Nazirliyinin Hərbi Nümayəndəliyində aparıcı mühəndis vəzifəsində xidmət edib.

1990-cı ilin noyabr ayından SSRİ Müdafiə Nazirliyinin Baş Hərbi Nümayəndəliyinin rəisi vəzifəsində xidmət edib.

1990-1991-ci illərdə Marşal Timoşenko adına Ali Hərbi Akademiyasının “SSRİ Müdafiə Nazirliyinin Hərbi nümayəndələr” ixtisası  üzrə Rəhbər Mühəndislər Heyəti fakültəsini bitirib.

1992-ci ilin aprel ayından Azərbaycan Respublikası Müdafiə Nazirliyində Silah və Hərbi Texnika İdarəsində qərargah rəisinin müavini vəzifəsində xidmət edib.

1992-1993-cü illərdə Qarabağda gedən döyüşlərdə iştirak edib, çətin döyüş tapşırıqlarını yerinə yetirib. Qarabağ veteranıdır.

1992-ci ilin may ayından 1994-cü ilin yanvar ayınadək Müdafiə Sənayesi İdarəsində Baş hərbi nümayəndəliklər şöbəsinin rəisi vəzifəsində xidmət edib.

1994-cü ilin yanvar ayından 2019-cu ilin oktyabr ayınadək Azərbaycan Respublikası Müdafiə Nazirliyinin Müdafiə Sənayesi İdarəsinin rəisi vəzifəsində xidmət edib.

2001-2002-ci ildə Azərbaycan Respublikası Silahlı Qüvvələrinin Hərbi Akademiyasını “Strateji Tədqiqatlar və Dövlət Müdafəsini İdarəetmə Akademik” kursları;

2019-cu ilin noyabr ayından Azərbaycan Respublikası müdafiə sənayesi nazirinin (hərbi-texniki əməkdaşlıq üzrə) müşaviri vəzifəsində xidmət edib.

2020–ci il iyul ayının 7-də Azərbaycan Respublikasının Prezidentinin Sərəncamı ilə müdafiə sənayesi nazinin müavini vəzifəsinə təyin edilib.

2008-ci il iyun ayının 25-də Azərbaycan Respublikası Prezidentinin Sərəncamı ilə "Hərbi xidmətlərə görə" medalı ilə təltif edilib.

2013-cü il iyun ayının 25-də Azərbaycan Respublikası Prezidentinin Sərəncamı ilə general-mayor hərbi rütbəsi verilib.

2022-ci il fevral ayının 2-də “Azərbaycan Respublikası Müdafiə Sənayesi Nazirliyinin 15 illiyi (2005-2020)” Azərbaycan Respublikasının yubiley medalı ilə təltif edilib.

2024-cü il fevral ayının 2-də Azərbaycan Respublikası Prezidentinin Sərəncamı ilə "Heydər Əliyevin 100 illiyi (1923-2023)"yubiley medalı ilə təltif edilib.

Doğulduğu tarix və yer

Hidayət Ağanəcəf oğlu Əzimov 1985-ci ildə Bakı şəhərində anadan olub.

Təhsili

2001-2005-ci illərdə Bakı Dövlət Universitetində Hüquqşünaslıq ixtisası üzrə təhsil alıb.

2005-2007-ci illərdə magistr dərəcəsinə yiyələnib.

İş təcrübəsi

2006-2007-ci illərdə yerli hüquq şirkətlərinin birində hüquqşünas vəzifəsində fəaliyyət göstərib.

2007-2018-ci illərdə “Atəşgah” Sığorta Şirkətində hüquqşünas, şöbə müdiri və İdarə Heyəti sədrinin müavini vəzifələrində çalışıb.

2018-2022-ci illərdə ölkədə fəaliyyət göstərən dünyanın nüfuzlu beynəlxalq audit və konsaltinq şirkətlərindən olan “Ernst & Young CIS B.V” şirkətində hüquq xidmətlərinin rəhbəri vəzifəsində çalışıb.

2018-ci ildən etibarən Vəkillər Kollegiyasının üzvüdür.

Azərbaycan Respublikası Prezidentinin 5 mart 2022-ci il tarixli Sərəncamı ilə Azərbaycan Respublikası Dövlət Ehtiyatları Agentliyinin İdarə Heyəti sədrinin müavini vəzifəsinə təyin olunub.

Azərbaycan Respublikası Prezidentinin 11 yanvar 2024-cü il tarixli Sərəncamı ilə Azərbaycan Respublikası müdafiə sənayesi nazirinin müavini vəzifəsinə təyin olunub.

Ailə vəziyyəti

Ailəlidir. İki övladı var.