Fəaliyyət istiqaməti

Sənayecihaz EİM müxtəlif maye, o cümlədən aqressiv mayelər üçün sərfin və təzyiqin geniş diapazonunda sərfölçənlər, sayğaclar, dozatorlar və  siqnalizatorlar layihələndirir və istehsal edir.

Bu cihazların tətbiqi neft sənayesi, mülki və hərbi gəmiqayırma, aviasiya və raket texnikası, kommunal təsərrüfat, atom-elektrik stansiyaları və istilik elektrik mərkəzlərində nəzərdə tutulur.

Bundan başqa müəssisə müxtəlif təyinatlı mülki məhsullar, o cümlədən xalq istehlakı malları layihələndirir və istehsal edir, qaz və su sayğaclarının təmiri və servis xidmətini də həyata keçirir.

Texnoloji imkanlar

Mexaniki emal:

• diametri  800 mm-ə  qədər  olan  metal  və  qeyri-metalların mexaniki emalı;
• ölçüsü 500x600 mm-ə qədər olan metal və qeyri-metalların mexaniki emalı;
• ölçüsü 300x400 mm-ə qədər və diametri 200 mm-ə qədər olan metalların mexaniki emalı;
• ölçüsü 200 x 300 mm-ə qədər və diametri 300 mm-ə qədər olan metal hissələrin mexaniki emalı;
• müxtəlif növ nişanlama, qravirləmə və çilingər əməliyyatları;
• kiçik və orta modullu dişli çarxların diş frezləmə dəzgahlarında emalı;
• ölçüsü 10x2000x2500 mm-ə qədər olan metal təbəqələrin Hilotin qayçıda kəsilməsi.

Ştamplama:

• gücü 100 tona qədər olan mexaniki preslərlə müxtəlif ştamplama əməliyyatları.

Tökmə (metallar):

• torpağa tökmə (çuqun, polad, alüminium, tunc, bürünc);
• müxtəlif növ model komplektinin hazırlanması.

Termiki emal:

• tablama, tabalma, normallaşdırma, termiki oksidləşmə;
• metal hissələrin yüksək tezlik cərəyanı (ТВЧ) qurğusunda tablanması, bərk
  xəlitə lövhələrinin kəskilərə lehimlənməsi.

Qalvanik emal:

• sinkləmə;
• xromlama;
• kadmiumlama;
• gümüşləmə;
• qalay – vismut örtüyü;
• anod oksidləmə;
• kimyəvi oksidləmə;
• misləmə;
• nikelləmə.

Fotoçapetmə üsulu ilə materialı alüminiumdan olan şildiklərin emalı;

Fotokimyəvi aşılama üsulu ilə şildiklərin emalı;

Lak-boya örtüyü;

Qaynaq-lehimləmə:

• arqon-qövs qaynağı;
• qövs qaynağı;
• qaz qaynağı;
• aşağı və yüksək temperaturlu lehimləmə.

Rezin və plastik kütlədən olan hissələrin istehsalı:

• təzyiq altında tökmə;
• presləmə;
• vulkanizasiya.

Müxtəlif növ çap lövhələrinin istehsalı:

• çap lövhələrinin qalvanik üsulla hazırlanması;
• çap lövhələrinin elektromontajı.

Metrologiya:

• Maketlər, təcrübə nümunələri, seriya ilə istehsal olunan cihazlar attestasiya olunmuş 15 metroloji stendi olan Sınaq
• Stansiyasında və hər cür iqlim və mexaniki təsirlərə qarşı sınaqlar keçirməyə imkan verən avadanlıqda sınaqdan keçirilir.
• Metroloji təminat sahəsində tətbiq olunan standartların hazırlanması və əsaslandırılması istiqamətində fəaliyyət
  göstərir.   

Əlaqə