Fəaliyyət istiqaməti

Aviasiya texnikası istehsalı üzrə ixtisaslaşmış müəssisə kimi fəaliyyəti aşağıdakılardan ibarətdir:

• yüksək təzyiqli şar və silindirik balonlar istehsalı;
• mülki aviasiya üçün təyyarə və mətbəx avadanlıqları istehsalı;
• texnoloji tərtibatların və alətlərin hazırlanması;
• xalq istehlakı mallarının və mülki təyinatlı məhsulların istehsalı.

Texnoloji imkanlar

“Avia-Aqreqat” zavodunun fəaliyyəti aşağıdakı istehsal sahələrindən ibarətdir:

• Mexaniki emal:  vərəqə və çubuq şəkilli paslanmayan poladlardan, titan və əlvan metallardan mürəkkəb konus yivli detalların mexaniki emalı, kəsici və ölçmə alətlərinin, etalonların, tərtibatların, ştampların və presformaların hazırlanması;
• Qaynaq:  istehsal fəaliyyətində arqonla qaynaq olunan bütün məmulatlarda qaynağın yerinə yetirilməsi;
• Termiki emal: istehsal fəaliyyətində termiki emalı tələb olunan bütün məmulatların, alət və legirli  poladların və s. termiki emalı, poladlardan, əlvan metallardan və titandan döymələr, isti və soyuq ştamplama, izotermik emal və digərləri;
• Qeyri-metal еmalı: rezin və plastik kütlədən detalların istehsalı, soyuq və isti üsulla presləmə, vulkanizasiya;
• Ağac emalı: daxili tələbat üçün müxtəlif növ məhsullar;
• Qalvanik emal: sinkləmə, kadmiumlama, misləmə, gümüşləmə, elektrik üsulla pardaqlama;
• Lak-boya örtükləri: daxili məhsulların rənglənməsi;
• Sınaq: yüksək təzyiqlə işləyən balonların hidravlik, pnevmatik sınaqları, digər məhsulların texniki şərtlərə müvafiq sınaqları.

Əlaqə

AZ1029, Azərbaycan Respublikası, Bakı şəhəri, Rövşən Əliyev, 11

+(994012) 566-35-25

+(994012) 566-61-26

aviaaqreqat@mdi.gov.az